E milli liqa

Qaydalar

Turnirin formatı və qaydaları:

       1. Qaydalar “EML” layihəsi altında keçirilən bütün turnirlərə şamil olunacaq.

       2. EML 2020-2021 mövsümündə iki (2) turnir keçiriləcək; EML PRO və EML OPEN.

       3. “EML PRO” liqasında komandalar yalnız dəvətnamə əsasında olacaq. Liqada cəmi 15 komanda olacaq. Oyunlar Liqa Formatında olacaq. Bütün komandalar bir-biri ilə bir oyun keçirəcək.

           3.1 İştirak edəcək komanda sayı və bölgüsü yalnız təşkilatçılar tərəfindən dəyişdirilə bilər.
           3.2 Əgər ilkin müəyyən edilmiş bölgüyə əsasən komanda sayı yetərli olmasa, bölgü dəyişdirilə bilər.
           3.3 “EML PRO” 2020-2021 mövsümü nəticəsində ən çox xal qazanan komanda turnirin qalibi hesab olunur.
           3.4 Bir neçə komandanın eyni xalı olarsa, qol fərqi ən yaxşı olan komanda qalib hesab olunur.
           3.5 Bir neçə komandanın eyni xalı olarsa, vurulan qol sayı bərabər olarsa, o zaman qalib həmin komandaların aralarındakı oyunlara əsasən seçiləcək.
           3.6 Bütün göstəricilər eyni olarsa ən çox qol vuran komanda qalib sayılacaq.
           3.7 Qeyd edilən bəndlərdəki bütün göstəricilər eyni olarsa, o zaman sarı kartı az olan komanda qalib elan edilir.
           3.8 Digər mübahisəli hallar olduqda təşkilatçılar tərəfindən xüsusi tədbirlər görüləcək.

       4. “EML OPEN”

           4.1 “EML OPEN” 2020-2021 mövsümündə istənilən şəxs komandasını yaradıb EML OPEN turnirində iştirak edə bilər.
           4.2 “EML OPEN” turnirində iştirak edəcək komanda adları və heyyəti EML tərəfindən təsdiqlənməlidir.
           4.3 “EML OPEN” turnirində iştirak edən komanda sayı 21-dir.
           4.4 “EML OPEN” turnirində 4 qrup olacaq. 3 qrup 5 komandadan ibarət olacaq. 1 qrup 6 komandadan ibarət olacaq. “Play-Off” mərhələsinə hər qrupdan ən yaxşı nəticə göstərən iki komanda vəsiqə qazanır.
           4.5 “EML OPEN” turnirində iştirak edən komandaların sayı və bölgüsü EML tərəfindən dəyişdirilə və tənzimlənə bilər.
           4.6 “EML OPEN” turnirində komandalar EV və Səfər oyunları keçirəcək.
      5. Texniki müddəalar;
           5.1 EML tərəfindən təşkil olunan yarışmalarda iştirak edən oyunçular (individual şəkildə) və ya klublar (rəsmi şəkildə) aşağıda qeyd olunan texiniki tələblərə cavab verməlidir.
      6. İştirak üçün tələblər
- Yaş həddi 16+ olan şəxslər
- Təşkilatçılar tərəfindən eml.az saytında iştirak ərizəsini doldurmalıdır və məlumatların doğruluğunu təsdiqləməlidir.
- İştirak edən komandaların heyətində üç (3) iştirakçı olmalıdır.
- Hər oyunda iştirak edəcək oyunçular klub tərəfindən oyunların başlamasına 24 saat qalmış təşkilatçılara bildirilməlidir.
- Komandada üç (3) oyunçu arasında bir (1) oyunçu komanda kapitanı olmalıdır və iştirak edəcək oyunçular haqqında kapitan məlumat verməlidir.
- Liqa başlayan zaman klub (komanda) tərəfindən qeydiyyatdan keçmiş oyunçulardan başqa heç bir halda digər şəxslər komanda adından iştirak edə bilməz.
       7. Qadağalar.
             7.1 Oyun parametrlərini, komandanın tərkibini, loqosunu, oyunçuların formasını və komanda ilə bağlı digər dəyişikliklər etmək.
             7.2 Oyunu asanlaşdıran və ya oyunda hər hansı dəyişikliklər edə bilən əlavə avadanlığın istifadə edilməsi.
             7.3 Klubları təmsil edən oyunçuların əlavə edilməsi və ya təşkilatçılardan xəbərsiz dəyişdirilməsi
             7.4 EML tərəfindən müəyyən edilmiş qaydalara zidd olan hər hansı bir manipulasiya etmək
             7.5 EML tərəfindən yayımlanan hər hansı bir media materiallarının (oyun videoları, posterlər, sosial media kontenti, müsahibələr, video-podkastlar və digər məlumatlar) təşkilatçıların icazəsi olmadan yayımlanması və müəllif hüququ olmadan istifadə edilməsi.

1. Oyun qaydaları
            1.1 Oyun günü iştirakçılar arasında 2 oyun keçirilir. Məsələn: I Komanda I Oyunçu VS II Komanda I Oyunçu, I Komanda II Oyunçu VS II Komanda II Oyunçu. Qarşılaşmanın yekun hesabı hər iki matçdakı qolların sayı əsasında hesablanır. Məsələn: I Komanda I Oyunçu 2:0 II Komanda I Oyunçu, I Komanda II Oyunçu 1:4 II Komanda II Oyunçu. Oyunda ümumi hesab – 3:4. Birinci komandanın hesabına 0, ikinci komandanın hesabına 3 xal yazılır. Hər iki matçdakı qolların cəmi bərabərdirsə, hər komandanın hesabına 1 xal yazılır. Birinci komandanın ilk oyunçusu matçı oynaya bilməsə, o zaman bu oyun 3:0 hesabı ilə ikinci komandanın xeyrinə başa çatır. Oyun ərzində oyunçulardan biri yarışı tərk edərsə, həmin komanda oyundan kənarlaşdırılır.
            1.2 Oyun ərzində oyunçulardan hər hansısa birində internet və ya texniki problemə görə oyundan kənarlaşarsa həmin oyuna görə həmin komandaya "texniki məğlubiyyət" verilir. İstisna: Oyunun bitməsinə son bir (1) dəqiqə qalıbsa oyundakı hesab nəzərə alınacaq.
            1.3 Təşkilatçılar matçların tarixlərinin dəyişdirilməsi haqqda komandaları öncədən xəbərdar edəcək.
            1.4 Hər bir komanda oynanılan hər bir rəsmi oyunun videogörütüsünü götürüb oyun bitdikdən dərhal sonra görüntünü EML əməkdaşlarına göndərməlidir. Həmin videogörüntülər göndərilmədiyi təqdirdə komandanın hesabından iki (2) xal silinir.
            1.5 Oyun zamanı oyunçulardan biri oyundan kənarlaşdırıldığı təqdirdə bir matç "texniki məğlubiyyət" kimi qiymətləndirilir. Oyundan kənarlaşdırılan oyunçu səbəbindən və matçın hesabından asılı olmayaraq 3:0, 0:3 hesabı ilə "texniki məğlubiyyət" alır. Eyni zamanda, oyunun başladığı saatdan 10 dəqiqə gecikmək də 3:0 “texniki məğlubiyyət” hesab edilir.

2. Texniki müddəalar;
           2.1 EML tərəfindən təşkil olunan yarışmalarda iştirak edən oyunçular (individual şəkildə) və ya klublar (rəsmi şəkildə) aşağıda qeyd olunan texiniki tələblərə cavab verməlidir.
           2.1.1 Avadanlıq;
- PS 4 oyun konsolu,

- PES 2021 oyunu (tam versiya),

- Televizor (HDMI çıxışı olan),

- İnternet:

- 8 mbit/s “download”

- 8 mbit/s “upload” 

- Lan kabel ilə qoşulma mütləqdir.

- “PS+” hesabı

- Flashcard və ya Harddisk (oyun videogörüntüsü üçün).

  2. Oyunda iştirak.
             2.1 EML-də iştirak edən komandalar PES 2021-də öz klublarını EML tərəfindən öncədən müəyyən edilmiş və www.eml.az saytında yerləşdirilmiş qaydalara əsasən yaratmalıdır.
             2.2 EML-də iştirak edən komandalar PES 2021-də öz klublarını yalnız EML tərəfindən hazırlanan xüsusi patç əsasında qurmalıdır.
             2.3 İştirak edən komandalar yalnız özlərinin təmsil etdikləri komandaların emblemlərindən istifadə edə bilər (rənglər, loqo, klub adı).
             2.4 Oyunlar keçirilməsi üçün müəyyən olunmuş oyun parametrləri;
- Time: NİGHT
- Weather: SUMMER, CLEAR
- Stadium: KONAMİ STADİUM
- Pitch: NORMAL
- Srass: NORMAL
- Player condition: Random

Login
AZ EN